EDITORYAL - Balik Eskwela

Unang adlaw karon sa pagbalik sa klase sa pangpublikong mga eskuylahan tibuok nasud.

Andam na ang mga eskuylahan , excited na ang mga bata sa ilang pag-eskuyla.

Pero dili lang sila maoy exicted, kondili apil pud ang mga tulisan,manglabnihay ug mga mangingilad.

Sa nakalabay nga semana,  naay mga insidente sa pagpanulis dinhi sa Sugbu.

Ang mga tulisan magsakay ig motorsiklo sama sa nahitabo sa Barangay Mabolo niadtong nakalabay nga semana.

Duha ka magtiayon nga gikan nangompra sa Carbon Public Market ang gibabagan og duha ka lalaking nagmotor, gitionan og armas ang bana ug hilabni ang iyang kwintas.

Sa miaging semana pud, naay menor de edad nga nanghuwam og motor kay gigamit niya para mopalit og sud-an.

Pero gigukod siya og duha ka lalaking nagmotor ug nagpailang mga polis ug pugsanon siyang gipahunong.

Nagpakaaron-ingnon sila nga mo-check sa motor. Tungod sa kahadlok kay basin dakpon siya kay wa siyay lisensiya, giablihan pud sa bata ang U- box.

Pagkahuman gitan-aw ang u-box , gikabay-an sa usa ang motor ug diretsong gipadagan palayo.

Naa pay nahaunang mga hitabo sa nangaging mga bulan, kadtong usa ka estudyanteng naangol kay gidunggab sa tulisan sud sa pasaheroan.

Nagsige na sad og siaw ning mga tulisan, wa nay kurat pagbahis-bahis sa kadalanan.

Nabantayan sad karun sa publiko nga nangawala o gipanangtang na ang ubang mga police outpost sa mga karsada karon.

Ang ubang outpost way polis nga gabantay. Bag- o ba ni nga estratehiya o unsa. Apan mas kampante kaayo ang publiko kun naa pirme mga polis sa kadalanan parehas sa una.