Pambato sa Pilipinas

CEBU, Philippines — Oliver Eugen Kretz, napili isip Man of the World 2026

Gikoronahan isip Man of the World 2026 ang representante sa Pilipinas nga si Oliver Eugen Kretz atol sa grand coronation night  nga gihimo didto sa kaulohan  niadtong Sabado. Gipildi ni Kretz  ang 27 ka ubang kandidato sa ikawalong edisyon sa maong international  male pageant.

Napili  isip first runner-up si Abel Adrian Diaz sa Ecuador, samtang second runner-up si Fidel Arellano sa Chile. Nahimong third runner-up si Luis Arturo Jauregui sa Mexico ug fourth runner-up  si Afiq Naufal sa Malaysia.

Sa wala pa ang grand coronation, gikonsiderar na si Kretz isip usa sa mga frontrunner sa kompetisyon human niya naangkon  ang tulo ka special awards nga naglangkob sa Best in Swimwear, Best in Beachwear, ug Media's Choice. Nikulit si Kretz og kasaysayan isip unang representante sa Pilipinas nga nakalangkat og titulo nga  Man of the World.  -- Grezy Mie Sibay, CNU-Main Intern

Sophia adunay ADHD

Gibutyag  sa KATSEYE member nga si Sophia Laforteza nga adunay siya'y Attention-Deficit/Hyperactivity Disorder (ADHD), ug giila niya ang mga hagit nga iyang nasinati tungod sa maong kondisyon. Suma pa ni  Sophia nga  naapektohan usab ang  iyang konsentrasyon sa ubang mga butang.

Lima ka operasyon

Malipayong gipaambit sa kanhi Pinoy Big Brother: Celebrity Collab Edition housemate nga si Josh Ford ang taho pinaagi  sa iyang Facebook post nga nagmalampuson ang giagian niya nga  lima ka operasyon nga gihimo aron matambalan ang pipila niya nga. Kini naglangkob sa  septoplasty, uncinectomy, polypectomy, left turbinectomy, ug left myringoplasty.

James Handy mipanaw

Nakaplagang wala nay kinabuhi  ang beteranong aktor nga si James Handy sa edad nga 81 human siya gidunggab sa iyang balay didto  sa Los Angeles sa niaging adlaw .

Nailhan si James  gumikan sa iyang partisipasyon  sa mga pelikulang Top Gun: Maverick, Logan, ug Jumanji.-  Grezy Mie Sibay CNU-Main Intern