3 Pinoy workers, nasugatan sa Kuwaiti airport drone attack

MANILA, Philippines — Kinumpirma nitong Linggo ng Department of Migrant Workers (DMW) na tatlong overseas Pinoy workers ang nasugatan sa pag-atake sa Kuwait International Airport, kamakailan.

Sa ulat ng Kuwaiti state media, ang pag-atake ay naganap noong Hunyo 3, na ikinasawi ng isang Indian national at ikinasugat ng 63 indibiduwal, kabilang ang tatlong Pinoy.

Nabatid na ang dalawang Pinoy ay nilapatan ng lunas matapos na makalanghap ng usok habang ang ikatlo naman ay nagtamo ng sugat sa ulo at kamay na kinakailangan na tahian.

Pinayuhan din niya ang lahat ng OFWs sa nasabing bansa na manatili na lamang sa loob ng bahay at iwasan ang mga hindi kinakailangang pagbiyahe.

Matatandaang noong Hunyo 3, napilitan ang Kuwait International Airport na magsuspinde ng operasyon matapos ang naganap na drone at missile attack doon na nagresulta sa pagkapinsala ng ilang pasilidad sa paliparan.

Isinisisi ng Kuwaiti government ang naturang pag-atake sa bansang Iran.