‘SiPons’ bigo sa gold medal
MANILA, Philippines — Kinapos sina Alas Pilipinas beach volleyball tandem Sisi Rondina at Bernadeth Pons kina Taliqua Clancy at Stefie Fejes ng Australia, 21-19, 21-12, sa gold medal round ng AVC Beach Tour Pingtung Open sa Chinese-Taipei.
Ginamit nina Clancy at Fejes, ang 2020 Tokyo Olympics silver medalist, ang kanilang eksperyensa para sa kanilang straight sets win sa tambalang ‘SiPons’.
Respetado pa rin ang naging kampanya nina Rondina at Pons sa nasabing torneo matapos angkinin ang makasaysayang kauna-unahang gold medal sa nakaraang 2025 Southeast Asian Games sa Thailand noong Disyembre.
Sumampa sina Rondina at Pons sa gold medal round matapos talunin sina Taravadee Naraphornrapat at Worapeerachayakorn Kongphopsarutawadee ng Thailand, 21-17, 26-24, sa semifinals.
Ang Thai pair ang kumuha sa bronze matapos resbakan sina Japanase duo Shiba Asami at Murakami Reika, 15-21, 21-17, 17-15.
- Latest
