BGYO, ibibida ang modern love

Sisimulan ng BGYO ang kanilang bagong era hatid ang extended play (EP) na On Demand na tungkol sa saya at kalayaan ng modern love matapos magpasiklab sa D.U.N.K. Music Festival 2026 sa Japan.

“In this EP, we transition to themes of modern love – carefree, fun using the concept of new media like streaming, internet, video. Why new media? We want to be with you, our fans, in everything that you do through our music. Just like new media, it’s ever-present and heavily incorporated into all of our lives,” saad ng BGYO.

Mas lalong ipinakita ng grupo ang kanilang musical growth sa pamamagitan ng halu-halong tunog ng pop, R&B at hip-hop sa pitong tracks na bumubuo sa EP na Fresh, Forever Tonight, Sinta, Mean Girl, Life’s Too Short, Raindrop at Trono.

“We’ve really found the perfect sound for us, something so undeniably BGYO. The EP is perfect for late-night vibing or early morning feel-good soundtrips,” pahayag ng grupo.

Sa key track na Forever Tonight, ibinahagi ng grupo ang pagnanais na mas mapahaba pa ang espesyal na sandali kasama ang minamahal. Isinulat ito ng BGYO members na sina Mikki at Nate kasama ang global songwriters na sina GG Ramirez, Dan Henig, Aaron Paris at Pontus Kalm na nakapag-compose para sa Korean artists tulad ng BTS, Blackpink at Twice.

Ipagdiriwang ng BGYO ang bagong musika sa kanilang On Demand EP launch na gaganapin sa SM Mall of Asia Music Hall sa Sabado (Hunyo 6), kung saan mapapanood nang live ng fans ang mga kanta mula sa EP. Libre ang event at maaaring mag-register sa SM Malls Online app.