Wheelchairs gipanghatag sa siyudad sa Lapu-Lapu

CEBU, Philippines —  Gipahigayon ang pagpanghatag og wheelchairs alang sa mga Persons with Disabilities (PWD), senior citizens, ug uban pang nanginahanglan og mobility assistance sa Lapu-Lapu City niadtong Hunyo 2, 2026.

Kapin 13 ka wheelchair ang gipanghatag sa mga benepisyaryo nga naggikan sa nagkalain-laing barangay sa Lapu-Lapu City. Lakip niini ang 1 sa Pajo, 2 sa Bankal, 2 sa Pusok, 2 sa Canjulao, 1 sa Proper Sabang, 1 sa Tungasan, 2 sa Punta Engaño, 1 sa Ibo, ug 1 sa Basak. Lakip sa nakadawat ang mga PWD, mga senior citizen, ug uban pang mga indibidwal nga nanginahanglan og mobility assistance alang sa ilang kaayohan ug adlaw-adlaw nga paglihok.

Ang maong inisyatibo gihimo sa pakig-alayon sa City Social Welfare and Development Office (CSWDO) isip kabahin sa pasalig sa lokal nga kagamhanan pagsuporta sa mga vulnerable sectors sa komunidad.

Padayon usab ang Dakbayan sa Lapu-Lapu sa pagpalig-on sa mga paningkamot niini aron makahatag og responsive social services ug mapaayo ang kalidad sa kinabuhi sa matag Oponganon. Si Lapu-Lapu City Mayor Cindi King-Chan ang nangulo sa distribution sa mga wheelchair isip padayon nga suporta sa mga sektor nga nanginahanglan og tabang. (BANAT NEWS)