Everest, Bermuda Triangle out sa 2nd Leg Triple Crown
MANILA, Philippines — Maraming karerista ang nanghihinayang sa mga kabayong hindi na makakasali sa magaganap na 2nd Leg Triple Crown Stake Race” na ilalarga sa Hunyo 14 sa Metro Turf, Malvar - Tanauan City, Batangas.
Hindi napagbigyan ang hiling ng connections ng Everest na makatakbo sa nasabing event na may distansyang 1,800 meter race at nakalaan ang tumataginting na P3.5M garantisadong premyo.
Sa pahayag ng trainer ng Everest na si dating jockey Renato “Egoy” Hipolito, nakapasa na ang kanilang pambato sa required barrier trial.
“Even though Philracom accepted our payment for the nomination and declaration of our horse, they excluded us from the drawing of lots before our appeal was even decided,” sabi ni Hipolito.
Kaya naman inatras na rin ng may ari ng Everest ang isa pa nilang entry na Bermuda Triangle at may ugong na ma scratch ang Road to Triple Crown winner Black Eagle dahil sa injury.
Ang first leg winner na Isa Bell, kakamping Sultan Bell at Gentle Dance na lamang ang paparada sa pista sa event na suportado ng PHILRACOM sa pamumuno ni chairman Aurelio “Reli” De Leon.
“Sayang magaling ‘yung Everest, malaki ang tsansa niyang manalo, sana pinayagan na lang para magandang laban ang mapapanood namin sa triple crown,” ani Christian Ladiana, veteran karerista.
Abangers pa sa sasabihin ng organizers kung may mga adjustments na gagawin sa race na pinondohan ng PHILRACOM at ng Philippine Charity Sweepstakes Office (PCSO).
- Latest
