Spurs tatabla sa Knicks sa game 2
SAN ANTONIO — Walang ibang nasa isip ang Spurs kundi ang makatabla sa New York Knicks sa Game 2 ng NBA Finals.
Isa sa mga tututukan ng San Antonio ay ang offensive rebound kung saan nakalamang ang New York sa fourth quarter para kunin ang 105-95 panalo sa Game 1 ng kanilang best-of-seven championship series.
“So that’s on us. After that, that’s an experienced team, they know how to play with momentum. We had the momentum until late in that game. That’s why I said we let that one go,” wika ni star center Victor Wembanyama.
Bukod kay Wembanyama, muli ring aasahan ng Spurs sina Fil-Am guard Dylan Harper, Stephon Castle at Devin Vassell.
“It’s just like doing the right thing is enough. When we play bad, when I play bad, is when we shoot ourselves in the foot. This is why I’m not worried. We’re going to be so much better. I’m going to be so much better,” ani Wembanyama.
Samantala, malaki ang naging papel ni veteran center Karl-Anthony Towns sa paglimita kay Wembanyama sa kanilang panalo sa series opener.
Nilimitahan ng 7-foot-1 na si Towns ang 7’4 na si Wembanyama sa mababang 30 percent field goal shooting para kunin ang 1-0 lead sa kanilang serye.
“It’s all about coming together and figuring out what we have to do to be better,” sabi ni star point guard Jalen Brunson. “The chemistry that we have is still continuing to grow and that allows us to play better.”
Pipilitin ng New York na maidiretso sa 13 ang kanilang ratsada sa playoff games sa pagsagupa sa San Antonio sa Game 2.
Inaasahang muling babantayan ni Towns ang 22-anyos na si Wembanyama.
“Whatever the team needs me to do to impact winning and to help us get over the hump, I’m willing to do,” wika ni Towns sa pagdedepensa niya sa Frenchman.
Maliban kina Brunson at Towns, muli ring huhugot ng puwersa ang Knicks kay guard Josh Hart.
- Latest
