EO para sa pagpaglambo sa Camp Lapu-Lapu

CEBU, Philippines — Gipirmahan ni Gobernador Pamela S. Baricuatro ang Executive Order No. 31 aron tukoron ang usa ka Provincial Technical Working Group (PTWG) nga maoy mangulo sa partisipasyon sa Probinsiya sa Sugbo sa giplanohang paglambo sa Camp Lapu-Lapu nga himuong headquarters sa Visayas Command of the Armed Forces of Philippines (AFP).

Ang maong kamanduan, napirmahan niadtong Mayo 25, 2026 sa Kapitolyo. Sa post sa Cebu Province Public Information Office (PIO), pinaagi sa EO nahimong pormal nga pakig-alayon ngadto sa Department of National Defense (DND), AFP, ug uban pang ahensya kalabot sa pagpalambo sulod sa military reservation.

Matud pa sa Executive Order (EO), ang kagamhanan sa Sugbo ug ang DND, AFP, nagpadayag og  interes  alang hiniusang inisyatiba ug mga paningkamot sa pagpalambo sa imprastraktura, koordinasyon sa mga institusyon,pagdumala sa yuta, public access, ug uban pang  maykalabutan sa proyekto.

Ubos usab sa maong kamanduan, ang PTWG gitahasan sa pakig-alayon sa militar ug nasyonal defense, pagrepaso sa mga kasabutan ug isyu sa yuta.

Sila usab ang mosalmot teknikal nga negosasyon, mopahigayon og mga studies, and site assessments, ug mag rekomenda ug polisiya nga makatabang sa pag implementar sa paglambo sa proyekto sa maong mga luna.

Pangulohan ang PTWG ni Paulo Uy gikan sa Economic Enterprise Council isip chairperson, samtang si Elizar Sabinay Jr. gikan sa Provincial Planning and Development Office ang magsilbing vice-chairperson. — Andriya Valerie Y. Villarino ,CNU Intern/IBM BANAT NEWS