Knicks sa Game 1
SAN ANTONIO — Patuloy pa rin ang ratsada ng New York Knicks para makauna sa NBA Finals.
Bumanat si point guard Jalen Brunson ng 30 points, habang nagtala si center Karl-Anthony Towns ng 18 points at 12 rebounds sa 105-95 panalo ng Knicks laban sa Spurs sa Game 1 ng kanilang best-of-seven championship series.
Binura ng New York ang isang 14-point second-half deficit sa San Antonio para sa 1-0 lead sa serye.
Nagdagdag si OG Anunoby ng 17 points para sa ika-12 sunod na panalo ng Knicks sa playoff games.
“He’s a gamer, man,” sabi ni coach Mike Brown kay Brunson. “In the biggest moments, he shows up. That’s what MVPs are supposed to do.”
Umiskor si Brunson ng 13 points sa fourth quarter at ang kanyang spinning jumper sa huling 38 segundo ang sumelyo sa kanilang panalo.
“I think we know what we have to do,” wika ni Brunson. “I think we’re a pretty together group.”
Kumolekta si Victor Wembanyama ng 26 points at 12 rebounds sa panig ng Spurs habang may 17 markers si Stephon Castle kasunod ang tig-16 points nina Julian Champagnie at Fil-Am Dylan Harper.
Matapos kunin ang 55-48 halftime lead ay pinalobo pa ito ng Spurs sa 14-point lead sa gitna ng third period.
Nakabalik sa laro ang Knicks at tinapos ang nasabing yugto sa isang 22-9 atake para makatabla sa 76-76.
Ang dalawang free throws ni Wembanyama sa huling 2:16 ng fourth quarter ang nagbigay sa Spurs ng 95-94 abante bago kumonekta ng three-point shot si Brunson para sa 97-95 lead ng Knicks.
Nakatakda ang Game 2 bukas.
- Latest
