Nanglili, kawata’g brief

CEBU, Philippines — Gipangita karon kining usa ka wala pa mailhing lalaki nga giingong nanglili ug nangawat og mga briefs sa mga lalaking boarders sa us aka condominium diha sa Barangay Pari-an, Cebu City niadtong Mayo 25 ug Mayo 27.

Base sa rekord sa Closed Circuit Television (CCTV) sa maong dormitoryo, nakita ang suspetsado nga nanglili sa sulod sa usa ka kuwarto nga abli ang pultahan.

Nakuha sa CCTV nga  nigawas ang lalaki sa hallway, apan sa dihang nakabantay kini sa CCTV dali kining nihupo ug nibalik og sulod sa kuwarto.

Pag alas 8:19 sa buntag nakita na sad siya sa CCTV nga nagsira  sa iyang zipper sa pantalon samtang naggunit sa iyang pribadong parte sa lawas. Milabay ang usa ka oras, gikuha usab sa suspetsado ang usa ka clip fan.

Nianang alas 9:16 sa buntag, gisita ang lalaki sa usa sa mga boarders kay nagduda sa iyang mga lihok. Pero giingong nangangkon kini nga naa siyay kaila sa sulod.

Ang mga nag-abang sa maong dormitory kasagaran mga lalaking estudyante sa maritime courses sa usa unibersidad. Matud pa sa report sa One Balita Bai, nangreklamo ang mga estudyanteng lalaki kay nangawagtang ang ilang mga briefs. Dihang gi-review ang CCTV, didto nila na kumpirmar ang lalaki maoy nagnguha sa ilang mga brief.

Usa sa mga biktima nitaho nga kaduha na niya namatikdan nga adunay tawo sa gawas sa kasilyas samtang siya naligo ug sa dihang iyaha ning  gilili nakit-an niya ang usa ka cellphone nga nag-rekord sa ibabaw sa bungbong sa CR.

"Habang naliligo ako dalawang beses nangyari na napansin na may nag video sa itaas, since, na feel ko kasi na may tao sa labas ng pinto ng CR, so pag check ko sa itaas, may cellphone na naka record, naka video," matud pa sa usa sa sa mga boarders.

Laing biktima sab ang nitaho nga samtang natulog sila nakamata nalang siya nga adunay nibitad sa iyang shorts ug nakita niya ang maong lalaki nga daling nidagan palayo.

"Inangat yung shorts, lahat sila, tapos pinicturan,  buti nalang yung last yung isang kasama nila, nakabantay na may hinila, tapos yun hinabol niya, nag zipper pa nga palabas. Yung nanakaw sa kanila rice cooker, clip fan, at mga underwear," matud pa niini sa report sa News5.

Matud pa niya, naandan na niya nga ablihan ang pultahan kay grabi ka alimuot sa oras sa iyang pagkatulog.

Nabalaka sila sa mga gikuhang litrato ug video sa ila nga gamiton sa binuang maong gusto nila ni nga madakpan.

Nanawagan  sila kung kinsa ang nakaila sa maong lalaki nga isumbong kini ngadto sa otoridad. Ang News5 nga maoy unang nakapaag aning hitabo maoy miduol sa kapolisan aron matabangan ang mga biktima. — Cheny R. Labrador ug Josh Kent O. Panaguinit, CNU Interns/IBM  BANAT NEWS