Unang liwat

CEBU, Philippines — Puwerting lipaya ni Robi Domingo gumikan kay gihimugso na sa iyang asawa nga si Maiqui Pineda ang ilang anak sa niaging adlaw. Sa Instagram post ni Robi, nagpaambit siya og video  diin nagpahulay si  Maiqui  sa higdaanan sa ospital samtang nagkupot sa ilang bag-ong natawo nga anak.

Jackpot sa ‘Everybody Sing’

Nalangkat  sa usa ka grupo sa mga TNVS driver ang P1 milyong jackpot prize sa programa  nga  " Everybody Sing "  sa niaging adlaw . Gawas sa  jackpot prize, nakadaog usab ang Songbayanang TNVS Drivers og laing P20,000 sa “Singko Blanko” round pinaagi sa tabang sa kanhing housemate sa Pinoy Big Brother: Celebrity Collab Edition nga si Ralph de Leon.

Gipakilig ang fans

Gipasundayag sa South Korean actor nga si Kim Seon-ho ang iyang natural ug madanihong “good boy” image sa iyang mga fans nga nailhan isip “Seonhohada "  atol sa iyang Love Factory fan meeting sa Araneta Coliseum niadtong Domingo. Gitimbaya  sa aktor ang iyang Pinoy  fans pinaagi sa mensaheng, “Now we meet again. Mabuhay!” duha ka tuig human sa iyang pagbisita sa Pilipinas alang sa usa ka fan meeting niadtong 2024. —Grezy Mie Sibay, CNU-Main Intern