Kaluluwa ni Jokjok, nagpaparamdam!

Nakakaloka na pinagtatalunan pa raw ng mga follower ni Yassi Pressman ang diumano’y pagpaparetoke nito.

Sa mga in-upload na litrato ni Yassi ay kapansin-pansin daw na may nagbago sa mukha nito pero hindi nila masabi kung alin.

Kinontra kasi ng mga basher ang komento ng isang follower na gandang natural daw ang mukha nito hanggang sa nagsagutan na ang mga ito.

Pero chill lang naman ang aktres at sinabing “meet mo nalang ako.”

Depensa naman ng iba niyang fans ay parang sa makeup lang naman niya iyon.

Habang ang iba ay tingin nila ay sa eyelashes lang daw nito.

Meron namang nagsabi na baka raw si Yassi ang tinutukoy na nagpagawa ng kanyang eyelid at facelift sa Korea.

Bakit ba big deal ang pagpaparetoke ng mga celebrity?

Wala namang masama kung magpa-enhance sila dahil kailangan nilang alagaan ang katawan nila bilang artista noh.

Saka hindi naman nila pera at katawan iyan kaya bakit ba bina-bash nila ang mga ito kung magpagalaw ang mga ito lalo na ng mukha?

Ibig sabihin nga lang nito ay mas lalong gumanda si Yassi kaya napansin nila iyon.

Kung saan sila masaya at tataas ang confidence nila ay hayaan sila.

Ang ‘di lang bongga ay ‘yung mga artistang todo tanggi na nagpabago sila ng mukha kahit halatang-halata naman.

Saka sa totoo lang sa rami ng mga ex-deal ngayon sa derma clinic, hindi ka pa ba magpapagawa o magpapaganda?

Kung ako lang ay bata-bata pa, papagawa ko ang mata ko na parang pulos eyebags na.

Meron kasing gabi na halos hindi ako makatulog. Nami-miss ko pa rin si Jokjok. At ang the height, pakiramdam ko ay dinadalaw niya ako.

‘Kaloka. Hahaha.

Yes, minsan ay nararamdaman ko na andyan siya sa tabi ko at binabantayan ako.

Na pinaniniwalaan ko talaga na hindi niya ako iniiwan at gusto pa rin niya akong samahan kahit nasa kabilang buhay na siya.