Marian, molugwa sa “pinas sarap”

CEBU, Philippines — Mag-uban  sa kusina ang Kapuso Primetime Queen nga si Marian Rivera ug ang journalist nga si Kara David aron magluto ug mopaambit  sa ilang paboritong nga  putahe sa episode  sa programang “Pinas Sarap”  , karong  alas 8:15 sa gabii , Nobyembre 7, sa GTV. Ipatilaw ni Kara kang Marian ang iyang gipanghambog nga Chili Garlic Prawn. Dili lang kutob sa pagluto ang ilang panagtagbo tungod kay bisitahon usab ni Kara ang Cavite, ang home province ni Marian, aron susihon kung giunsa pag-atiman ug pagpadaghan sa  hipon sa maong probinsiya.

Lakip usab sa ilang hisgotan ang menudo nga istilong Caviteño, usa sa mga gipanghambog nga pagkaon ni Marian. 

Bea ug Claudine, mag-uban sa horror movie

Mag-uban  sa usa ka horror movie nga ubos sa Viva Films ang mga aktres nga sila Claudine Barretto ug Bea Binene .

 Si Topel Lee ang direktor sa maong movie project  nga nag-ulohan og “Morticia”.

Wala  damha ni Bea nga hatagan dayon siya og follow-up movie human sa kalampusan sa iyang pelikula nga Pee Mak. Gipahibalo ang maong pelikula niadtong Nobyembre 5, usa ka adlaw human sa iyang birthday niadtong Nobyembre 4.

Nameless kids, milusad sa “Dinner4two”

Gisusi sa banda nga Nameless Kids ang nagkalainlaing ‘dynamics’ sa relasyon pinaagi sa ilang ikaduhang album nga nag-ulohan  og “Dinner4two,” nga naghisgot sa paagi sa pagpakita sa suporta ug pag-atiman sa usa’g usa, lakip na ang mga higayon nga mapakyas kini tungod sa komplikasyon ug mga gilaoman sa usa ka relasyon.

Ang mga miyembro sa banda nga sila Nhiko Sabiniano, Kim Allen ug Imay Cortes kay nagsugod sa pagtrabaho sa album niadtong 2024. Kini usab ang ilang unang music project sukad nahimong trio ang grupo.

Gipagawas ubos sa ABS-CBN Music International, gilangkoban  ang album og siyam ka kanta, lakip ang “Parachute,” “Call back,” “Cars,” “Ala bang,” “Kibo,” ug ang ilang naunang mga single nga “Sinungaling,” “Kuha  mo na,” “Temporary,” ug “Mental” nga kauban si Cesca.

Sukad sa ilang pagsugod sa industriya sa musika niadtong 2020 pinaagi sa debut single nga “Outlaws,” padayon nga nagpalig-on ang Nameless Kids sa ilang ngalan sa lokal nga music scene .

Madungog na ang mga unod sa ilang bag-ong album nga “Dinner4two” sa nagkalain-laing  digital music streaming platforms.