Sue, pinababalik ang inang pumanaw!

Ang daming natanggap na virtual hugs ni Sue Ramirez nang i-post niya ang photo nilang mag-ina na isang buwan na pala ang nakaraan nang pumanaw ito.

Caption niya: “Araw araw kitang iniisip, Mi. Isang buwan na ang nakalipas. Sobrang saya ko na palagi mo akong dinadalaw sa panaginip ko. Looking forward ako lagi matulog kasi baka andun ka. Laging nakangiti. Laging masaya.

“Hindi gumagaan yung mga luha. Habang tumatagal lalong bumibigat. Parang sakit na walang gamot. Parang problema na walang solusyon.

“We miss you so much, Mi. Alam ko nakabantay at nakaalalay ka sa amin. Nararamdaman ko mi. Andyan ka.

“Mahal na mahal kita. Balik balik ka lang sa panaginip ko ha. Kahit araw araw pa,” buong post ni Sue.

Kabilang sa mga nagpadala ng puso ay ang karelasyon niyang si Dominic Roque na na-bash kamakailan dahil diumano’y parang hindi nagluksa nang pumanaw ang ina ng girlfriend.

Mas inuna pa raw nito ang mga content kesa makisimpatya sa karelasyong actress.