Mag-uuma gipusil samtang gamotor

CEBU, Philippines — Patay ang usa ka 29-anyos nga mag-uuma human gipusil samtang nagmaneho sa iyang motorsiklo nga adunay kargang mga basket sa utanon sa Barangay Nalhub, Dalaguete, Cebu pasado alas-7 sa gabii niadtong Huwebes, Setyembre 3, 2026.

Giila lamang sa kapulisan ang biktima sa alyas nga “JR,” residente sa Barangay Nalhub. Wa pa mailhi ang mamumuno.

Base sa inisyal nga imbestigasyon sa Dalaguete Municipal Police Station, nagmaneho si JR sa iyang motorsiklo ug nagdala og mga basket sa utanon sa dihang gipusil siya sa wala pa mailhing suspek.

Daghang samad pinusilan ang naangkon sa biktima sa nagkalain-laing bahin sa iyang lawas nga maoy hinungdan sa iyang kamatayon.

Narekober sa lugar ang duha ka basiyo sa bala ug duh aka misfired nga nga gituohang gikan sa .45 caliber nga armas

Padayon ang imbestigasyon sa kapolisan pagkamatay sa biktima.—  IBM BANAT NEWS