12 kinasuhan sa illegal na radioactive materials

San Fernando City, Pampanga, Philippines — Sinampahan ng mga kasong kriminal ang 12 opisyal, incorporator, at stockholder ng Chuangxing Steel Inc. kaugnay ng umano’y ilegal na paggamit ng radioactive materials at paggawa ng substandard na bakal sa planta ng kompanya sa Magalang, Pampanga.

Sumalakay ang NBI at Presidential Anti-Orga­nized Crime Commission (PAOCC) noong Hulyo 18 at nasamsam ang mahigit P3 bilyong halaga ng umano’y radioactive-bearing materials, kontaminadong kagamitan, at mga natapos na produktong bakal. Apat na opisyal ng kompanya ang inaresto sa operasyon.

Nangako ang Chuangxing Steel na makikipagtulungan sa anumang imbestigasyon ng mga awtoridad ayon sa alegasyon.