Eala may disiplina sa sarili

MANILA, Philippines — Hindi maikakaila na marami nang tagumpay si Pinay ace Alex Eala sa kaniyang professional tennis career.

At nagawa niya ito dahil sa disiplina sa sarili.

Aminado si Eala na nagsisimula pa lamang ito sa ka­niyang tennis career kaya’t malaki ang papel ng salitang disiplina upang maabot ang inaasam nitong tagumpay.

“Gym is a non-negotiable. Proper sleep is a non-negotiable. It’s a continuous process. It’s only getting started,” ani Eala.

Sa kabila ng kaliwa’t kanang aktibidad, kailangan ni Eala na ingatan ang kaniyang sarili upang manatili itong nasa magandang kundisyon para sa kaniyang laban.

“I put effort into nurturing because a lot of the times, especially when I’m traveling so much for my job. Sometimes your career can become your whole life. And the work-life balance becomes off-balance,” kuwento pa ni Eala.

Ilan pa sa madalas na nakikita kay Eala ang social life nito kasama ang ilang WTA players na malalapit sa kaniya.

Kabilang na rito sina Zeynep Sonmez ng Turkey, Eva Lys ng Germany at Iva Jovic ng Amerika na ilan sa mga close friends nito.

Minsan ay nakakalaban din ni Eala ang mga kaibigan nito sa WTA Tour subalit nananatili silang magkaibigan sa loob at labas ng court.