Molugwa sa Kapamilya Channel

CEBU, Philippines — Makita na ang  mga serye sa TV5 nga “A Secret in Prague” ug “My Bespren Emman”  sa Kapamilya Channel sugod karong Hulyo 27. I-ere usab kini sa  A2Z ug ALLTV.  Ang “A Secret in Prague” kay gibidahan  nila Enrique Gil ug Andrea Brillantes, samtang ang “My Bespren Emman”  kay gibitoonan  nila JM de Guzman, Shaina Magdayao ug Sid Lucero. 

Naglikay sa mga kanhi hinigugma

Nagkauyon ang magtiayong Oyo Sotto ug Kristine Hermosa nga dili modawat og mga proyekto kun naa  ang ilang mga kanhi hinigugma .Suma pa  Oyo, personal nila kini nga  desisyon isip magtiayon aron mapanalipdan ang ilang kaminyoon.

Indecent proposals

Gibutyag sa VMX star nga si Astrid Lee nga nakadawat usab siya og mga malaw-ay o indecent proposals gikan sa pipila ka politiko.Bisan pa niini, gitataw  ni Astrid nga wala siya modawat sa bisan unsang tanyag. Suma pa niya  nga wala siya magkinahanglan niini tungod kay adunay siya’y igo nga panginabuhian gikan sa iyang pagka-artista.