VIVA at GMA, nagsanib sa recording

Hindi na lang sa pelikula ang collab ng Viva at GMA dahil pati sa recording, sanib-puwersa na rin sila. Nagkaroon ng contract signing ang GMA Network at Viva Music Group para ma-boost pa ang OPM sa bansa at tinawag na GMV Studios ang collab at present sa contract signing sina Atty. Annette Gozon-Valdes ng GMA at sina Vic del Rosario, Tony Ocampo, President ng Vicor Music.

Present din sa contract signing sina Vincent del Rosario, Valerie del Rosario at Verb del Rosario. Sa panig ng GMA, kasama ni Atty. Annette sina Joy Marcelo at Tracy Garcia.

Nakita rin sa contract signing ang Sparkle artists na sina Ysabel Ortega, Princess Alijah, Jeff Moses, Anthony Rosaldo at Sparkle P-pop group Dollipop.

Ang sabi, 50-50 joint venture deal ang pinirmahan ng GMA Network at Viva Music Group at nakasaad ang “The joint venture agreement for music related businesses, including but not limited to music production, recording, marketing, promotion and distribution, artist management, and music publishing.”

Naintriga ang netiizens sa nabanggit na isa sa mga objective ng joint venture ay “to transform the OPM scene.”

Heart at John, pasabog ang ‘balikan’

Lumalayag ang love team nina Heart Evangelista at John Prats dahil muli silang nagkatrabaho. Si Heart ang tampok sa music video ng song ni TJ Monterde na Teka Lang at si John ang director ng music video at sila rin ang magkasama sa music video. Kilig na kilig pa rin ang fans ng dalawa at nag-sorry kina Sen. Chiz Escudero at Isabel Oli-Prats. Pagbigyan daw muna ang kilig nila kahit dito lang sa music video.

Tampok din sa music video si Caprice Cayetano na kamukha ni Heart. May pasabog pa pala si Heart patungkol kay John dahil sa pilot episode ng The People Have Spoken, inaming si John ang kanyang first love.

Anyway, nagpasalamat si Heart sa pagtampok sa kanya sa music video. “Same, but different. A few favorite moments from behind the scenes. It was such a beautiful experience being part of a story that felt so honest, tender and ful of heart.

“Thank you to @tjmusicmonterde for trusting us with this piece of your music.”

Nakakatuwa lang basahin ang reaction ng fans.

And speaking of Heart, kasama siyang pinasalamatan ng netizens sa pagsipot ni Sen. Chiz sa Senado, feel ng netizens, kasama si Heart sa nagdesisyon o desisyon ng senador.

Hindi lang maiwasan na may mga nagalit at nagtampo kay Heart sa naging desisyon ni Sen. Chiz. May mga nag-unfollow sa kanya sa Instagram at may mga bashing siyang natanggap. May comment na kaya ginawa ‘yun ni Sen. Chiz just to save Heart’s diamond.

Ang sagot ng fan ni Heart sa mga nag-unfollow, “Threatening to unfollow an international fashion asset who brings pride to the country just to shows how toxic local internet culture can be. Go ahead, your exit is free.”

Ang swerte ni Heart for having fans na mahal siya, at naiintindihan siya at laging nakasuporta.