P300M gigahin sa DILG sa mga brgy nga naapektuhan sa kagubot

CEBU, Philippines — Ang Department of Interior and Local Government Region 7 (DILG-7) pinaagi sa Government Support Fund- Support to the Barangay Development Program(LGSF-SBDP) nigahin og kapin P300 milyones nga budget sa 72 ka barangays nga naapektuhan sa kagubot sukad 2022 hangtud 2024.

Ang Support to the Barangay Development Program (SBDP) usa ka programa nga nagtumong sa pagpalambo ug paghatag og batakang serbisyo ngadto sa mga barangay nga naapektuhan sa presensya sa Communist Party of the Philippines- New People’s Armyu (CPP-NPA) o Communist Terrorists Groups (CTG).

Ang DILG-7 ubos sa programa nigahin og kinatibuk-ang pondo nga P340,851,407 milyones ngadto sa 72 ka mga barangay sulod sa tulo ka tuig alang sa pagpatukod og Farm to Market Road (FMR), electrification, water and sanitation system, heath station, ug school buildings.

Niadtong tuig 2022, 47 ka benepisyaryong barangay, walo niini gikan sa Cebu samtang 39 ang gikan sa Bohol. Matag barangay nakadawat og P4 milyones. Sumala sa datos sa DILG-7, ning tuiga ang Probinsya sa Sugbo adunay 44 ka mga proyekto samtang ang probinsya sa Bohol dunay 9, nga parehong nakabaton og 100 porsyento nga financial accomplishment.

Ning tuiga ang probinsya sa Sugbo adunay 22 ka mga proyekto.

Samtang ang Cebu City dunay 3 ka proyekto, usa ang wala pa masugdi ug duha ang ongoing; ang Mandaue City dunay usa ka proyekto nga ongoing; ug duha sa Lapu-Lapu City diin usa niini ang kompleto.

Samtang niadtong 2024, tulo ka barangay ang benepisyaryo, duha niini gikan sa probinsya sa Bohol samtang usa gikan sa probinsya sa Sugbo. Kada barangay nakadawat og P2.5 milyones ug duna pay approved additional funding ubos sa Unprogrammed Appropriations (UA) nga 5 milyones matag usa. (BANAT NEWS)