Visayas power grid ubos sa red ug yellow alert

CEBU, Philippines — Gipaubos sa red ug yellow alert ang Visayas power grid niadtong Martes, Oktubre 20 tungod sa kakulang sa suplay sa kuryente ug pagkunhod sa operating margin, matud sa National Grid Corporation of the Philippines (NGCP).

Gipatuman ang red alert gikan alas 5:00 sa hapon hangtud sa alas 6:00 sa gabii samtang ang yellow alert gipatuman gikan alas 3:00 sa hapon hangtud alas 5:00 sa hapon ug alas 6:00 sa gabii hangtud alas 8:00 sa gabii.

Base sa datos sa alas 9:00 sa buntag kagahapon, nikabat sa 2,468 megawatts (MW) ang magamit nga suplay sa kuryente, ubos sa peak demand nga 2,545 MW.

Matud sa NGCP nga nikabat sa 685 MW nga kapasidad ang dili magamit sa grid.

Lima ka planta sa kuryente ang napugos og hunong sa operasyon niining buwana; upat sukad niadtong Septiyembre, tulo sukad sa Agosto, usa sukad sa Hunyo, upat sukad sa Mayo, tulo sukad sa 2025, duha sukad sa 2024, duha sukad sa 2023 ug usa sukad sa 2021.

Gikataho nga ang 22 ka planta sa kuryente ang nag-operate ubos sa ilang normal nga kapasidad.

Gikalaro sa NGCP nga usa sa mga nag-unang hinungdan sa pagpatuman sa mga alerto mao nga dili operasyonal sa dagkong coal-fired power plant sa Visayas, ang PEDC 3 ug KSPC 1.

Limitado usab ang maangkat nga suplay sa kuryente gikan sa Mindanao tungod sa giplanong paghunong sa operasyon sa GNPK 4, TSI 2, TMI Mobile2-U2 ug Pulangi 4-U2.

Gilantaw sa NGCP nga ideklara ang red alert kon dili igo ang suplay sa kuryente aron matubag ang panginahanglan sa mga konsumidor ug ang gikinahanglang kapasidad sa transmission grid aron mapadayon ang balanse sa suplay ug demand.

Samtang, ideklarar ang yellow alert kon dili igo ang operating margin aron matubag ang gikinahanglang reserbang kapasidad sa transmission grid kon adunay kalit nga pagkapakyas o pagkawala sa suplay sa kuryente.  BDB BANAT NEWS