Topakin ang gf

Dear Dr. Love,

Tawagin nyo na lang po akong Jun, 25 years old. Sumulat po ako dahil tila sasabog na ang brain cells ko sa girlfriend ko na si Marga.

Mahal ko naman siya, kaya lang ay grabe ang pagka-topakin niya. Isang oras kaming masaya, bigla na lang siyang tatahimik at magmumukmok. Kapag tinanong ko kung anong problema, ang isasagot lang sa akin ay “wala” o kaya “alam mo dapat kung bakit.” Mind reader ba ako?!

Minsan naman, nag-away kami dahil lang hindi ko na-like agad ‘yung post niya sa Fa-cebook. May time pa na nagalit siya sa akin dahil napanaginipan niyang nambabae raw ako. Ang ending, ako ang nag-sorry at nanuyo nang buong maghapon para lang batiin niya uli.

Parang lagi akong naglalakad sa ibabaw ng mga itlog (walking on eggshells). Konting mali ko lang, world war III na. Pagod na ako manghula kung anong mood niya sa bawat minuto, pero natatakot din naman akong makipaghiwalay dahil baka lalo siyang magwala. Ano ang gagawin ko?

Jun

Dear Jun,

Alam mo, ang relasyon ay hindi isang laro ng Pinoy Henyo na kailangan mong laging hulaan ang nasa isip ng partner mo. Nakakapagod talaga ang maglakad nang patiyad (walking on eggshells) dahil lang natatakot kang makagawa ng maling galaw.

Diretsuhin siya, “mahal kita, pero hindi ako manghuhula.” Hindi uunlad ang relasyon kung idinadaan sa hulaan ang problema. Ang communication ay dapat two-way.

Huwag kang hihingi ng tawad kung wala kang ginagawang masama (tulad ng sa panaginip niya). Kapag lagi kang sumusuko para lang sa peace, kinukunsinti mo ang maling behavior niya.

Kausapin mo siya habang good mood kayo. Ipaliwanag mo na nahihirapan ka na sa pabago-bagong timpla niya.

Kailangan niyang matutong i-express ang galit sa ta-mang paraan.

Suriin mo kung ang topak ay dahil sa insecurity o stress, pero tandaan mo na hindi ka punching bag. Kung hindi siya magbabago, tanungin mo ang iyong sarili, “gusto ko ba ng ganitong buhay habambuhay?”

Ang pag-ibig ay dapat nagbibigay ng kapayapaan, hindi palagiang sakit ng ulo.

Turuan mo siyang makipag-usap nang maayos. Kung ayaw niyang magbago, baka mas mabuting bitawan na ang relasyong nakakasakal.

DR. LOVE