Sugbo ika-upat sa pinakadaku og kita lukop nasud
CEBU, Philippines — Nahimutang sa ika-upat ang Probinsya sa Sugbo sa dunay labing dako nga revenue o kita sa mga probinsya lukop nasud sa tuig 2023.
Base sa financial report sa Commission on Audit (COA), ang Sugbo adunay kita nga P6.678 billion sa niaging tuig, nga maoy hinongdan nga ika-upat kini sa pinakadako nga kita sa mga probinya sa nasud.
“The Province of Bulacan, Quezon City, and Municipality of Caluya, Antique topped the list of the first ten LGUs, by classification, in total revenue” segun sa report sa COA.
Ang dunay pinakadako nga kita mao ang Probinsya sa Bulacan nga miabot sa P7.3 billion; gisundan sa Rizal (P6.9 billion); ikatulo ang Cavite (P6.8 billion); ikaupat ang Probinsya sa Sugbo; ikalima ang Pangasinan (P5.8 billion).
Ika-unom sa pinakadako nga kita ang Probinsya sa Batangas (P5.68 billion); gisundan sa Laguna (P5.65 billion); Negros Occidental (P5.56 billion); Quezon (P5.379 billion) ug Pampanga (P5.35 billion).
Sa mga siyudad, anaa sa ika-10 ang dakbayan sa Sugbo nga pinakadako og kita sa tuig 2023 pinaagi sa P7.79 billion. Ang numero uno nga pinakadako og kita mao ang Quezon City kon diin miabot sa P29 billiion ang kita niini sa niaging tuig.
Gisundan sa Manila, Makati, Taguig, Davao, Pasig, Parañaque, Pasay, ug Caloocan.
“The Province of Bulacan, Quezon City, and Municipality of Caluya, Antique topped the list of the first ten LGUs, by classification, in total revenue” matud sa COA. (BANAT NEWS)
- Latest
