Natupad ang pangarap

Dear Dr. Love,

Noong nasa college ako, may professor ako na crush na crush ko. Pero dahil conservative ako ay wala akong pinagsasabihan ng feelings ko. Basta sa sarili ko, ang secret wish ako ay mapangasawa ko siya. Binata naman siya at wala pang sampung taon ang age gap namin. Halos two years matapos ang graduation nang aksidenteng magkita kami sa isang department store. Binata pa raw siya.

Habang kumakain kami sa isang fast food, sinabi niya sa akin na noon pa ay may gusto na siya sa akin. Niligawan niya ako at ngayo’y two years na kaming mag-asawa.

May isa na kaming anak pero may hindi ako gusto, ang pagka-dominante niya as if estudyante pa rin niya ako. Hindi ko na idedetalye ang problema ko sa kanya pero ramdam ko’y sinisikil niya masyado ang kalagayan ko. Pagpayuhan mo ako.

Wendy

Dear Wendy,

Hindi ko alam kung ano ang ibig mong sabihin sa pagiging dominante ng asawa mo. Pero kung ex professor mo siya at ten years ang agwat ninyo, baka nasa isip mo lang ng dinodomina ka niya. Ang importante ay responsable siyang asawa.

Dr. Love