‘Bata’ ang minamahal
Dear Dr. Love,
May limang taon na po akong balo sa edad na 43. Ang akala ko nga po, hindi na ako iibig muli. Pero nagkagusto ako sa binata na masyadong bata sa akin.
Nasa 27-anyos lang po si Dominique, pakikipagkaibigan lang ang intensiyon ko sa kanya noong una pero, hindi ko akalain na mahuhulog ang loob ko sa kanya. Maging ang sampung taon kong anak na si Tommy ay napalapit na sa kanya.
Sa totoo lang ay hindi ko po alam kung saan magwawakas ang relasyon namin. Pero si Dominique ay gustong pakasal na kami. Wala siyang pakialam kung ano ang sasabihin ng iba, ang mahalaga raw ay nagmamahalan kami.
Ang sabi naman ng kapatid ko, maaaring ang mga minana kong ari-arian at pensiyon mula sa aking asawa ang hangad ni Dominique.Pagpayuhan po ninyo ako kung ano ang dapat kong gawin? Maraming salamat po.
Gumagalang,
Diane
Dear Diane,
May paraan para mapatunayan mong hindi ang kung anong meron ka, ang inaasinta ng iyong karelasyon. Sabihin mo kay Dominique na magkaroon kayo ng prenuptial agreement, na kung anuman ang naiwan sa iyo ng iyong asawa ay para sa anak mo at kayong dalawa aymagsisimula sa wala.
Kung hindi siya tutol sa arrangement na ito, wagas nga ang feeling niya sa iyo. Bukod sa feelings ay siguraduhin mong wala siyang sabit.
DR. LOVE
- Latest
