Nambabae kaya nilayasan
Dear Dr. Love,
Masayang pagbati sa iyo pati na sa mga bumubuo ng Pilipino Star NGAYON.
Tawagin mo na lang akong Fred, 37-anyos. Ang problema ko ay ang pag-aaway naming mag-asawa.
Mahal ko ang aking misis at siya ang lahat sa buhay ko. Pero ako ay lalaki na nagkakasala rin.
Natuklasan niya ang aking lihim na relasyon sa aking sekretarya sa opisina.
Nilayasan niya ako kasama ang aming dalawang anak, kaya sising-sisi ako sa aking ginawa.
Dalawang linggo na silang nasa probinsya at hindi ko alam ang aking gagawin.
Nakipag-break na rin ako sa aking number two na nag-resign na dahil sa sama ng loob.
Dalawa silang nawala sa akin. Ano ang gagawin ko?
Fred
Dear Fred,
Magpakumbaba ka, puntahan mo saan man naroroon ang misis mo at humingi ka ng tawad.
Sabi mo mahal mo ang misis mo pero bakit mo siya pinagtaksilan? Naririyan na iyan kaya harapin mo ang konsekwensya ng iyong nagawa.
Hingin mo ang kapatawaran ng iyong misisÂ. Iyan ba ang unang pagkakataong nagtaksil ka sa kanya? Kung maraming ulit na, baka hindi ka na patawarin ng asawa mo.
Kaya kung patatawarin ka niya, magbago ka na Fred. Maging tapat ka sa iyong asawa.
Dr. Love
- Latest
