May crush sa bayaw

Dear Dr. Love,

A very, very warm greetings to you and your staff including the millions of readers you have.

Sana po ay tawagin mo na lang akong Rubyrose. Hindi iyan ang totoo kong pangalan pero masyadong personal ang problema ko kaya itago mo na lang ako sa alyas na ito.

Ako po ay 18 anyos at kasalukuyan pang nasa second year college.

Ang problema ko ay ang pagkakaroon ko ng crush sa aking bayaw na asawa ng aking ate. I don’t know kung ito ay infatuation lang pero talagang intense ang aking nadarama sa aking kuya.

Alam kong mali kaya pilit kong sinusupil ang aking damdamin. Pero mahirap magtiis Dr. Love.

Paano ko siya maiwawaksi sa aking isip?

Rubyrose

Dear Rubyrose,

Ito ang lagi mong isipin: Lumagay ka sa katayuan ng iyong ate. Ano ang magiging reaksyon mo kung malaman mong pinagnanasaan ng iyong sariling kapatid ang iyong asawa?

‘Yun lang ma-in love ka sa asawa ng ibang taong ‘di mo kaanak ay masama na, ‘yun pa kayang sarili mong kapatid?

Saan mang anggulo tingnan ay masama. Kaya limutin mo ang pangit na nakatanim sa iyong isip, okay?

Dr. Love