May obligasyon pa

Dear Dr. Love,

Hi and Hello. Two months ago, I was introduced by a friend to Pilipino Star NGAYON and since then, lagi ko na itong binabasa lalo na ang column na Dr. Love.

Tawagin mo na lang akong Maricel, getting 21 sa Agosto. Nagtatrabaho ako bilang call center agent at may boyfriend na nagyayaya nang pakasal.

Two years ko nang kasintahan si Roman at pati mga parents namin ay magkakilala na. Pero may isa pa akong kapatid na pinapag-aral na magtatapos na next year. Baka hindi ako maka-comply sa obligation sa kanya kapag nag-asawa na ako.

Sabi ni Roman ay tutulong daw siya sa pagpapaaral sa kapatid ko. Okay bang tanggapin ko na ang alok niyang kasal? Maganda ang trabaho niya at may sarili na siyang bahay.

Maricel

Dear Maricel,

Kung tunay ang pagmamahalan n’yo hindi ka na dapat magtanong. Pareho kayong nasa wastong gulang at may matatag na kabuhayan kaya go for it.

Isang taon na lang naman at matatapos na ang kapatid mo kaya hindi naman marahil pabigat iyan sa inyong dalawa ng iyong boyfriend kapag kasal na kayo.

Huwag ka nang magdalawang-isip at baka ang boyfriend mo ang magbago ng desisyon.

Dr. Love