Hiwalay
Dr. Love,
Magandang araw sa iyo. Sana nasa mabuti kang kalagayan. Sana payuhan mo ako sa aking problema.
Two months na kaming hiwalay ng husband ko. Dahil nalaman ko na may babae siya. Naaawa ako sa 3 anak ko. Ano ang gagawin ko?
Libra
Dear Libra,
Salamat sa napakahaba mong sulat. Hindi mo sinabi kung sino ang humiwalay kanino. Ikaw ba o siya ang naglayas para sumama sa kanyang babae?
Kung nambababae ang isang lalaki, laging may dahilan. Tiningnan mo na ba ang iyong sarili at baka nasa iyo ang depekto kaya siya nambabae? Baka naman nagkukulang ka sa kanya sa ano mang bagay kaya naghahanap siya ng pagmamahal ng iba?
Kung may nadarama ka pang pag-ibig sa kanya sa kabila ng lahat, ang dapat na unang gawin mo ay manalangin nang taimtim na sana’y muling mabuo ang inyong pamilya.
Kung ayaw mo na sa kanya, harapin mo’ng mag-isa ang pagpapalaki sa inyong tatlong anak.
Pasensya ka na at para akong nangangapa ng ipapayo sa iyo dahil kulang sa detalye ang sulat mong pagkahabahaba.
Dr. Love
(Para sa mga nagnanais na lumiham kay Dr. Love, ipadala ito sa DR. LOVE c/o PSN Libangan 202 Roberto S. Oca corner Railroad Sts. Port Area, Manila. Maaari rin mag-email sa psnlibangan@ philstar.net.ph.)
- Latest
- Trending
