Dear Dr. Love,
Kumusta ka Dr. Love?
Matagal ko nang gustong lumiham sa iyo. Kaso busy ako sa aking office work.
My name is Ricky and I work as a clerk in a bank.
Umiibig ako sa isang babaeng hindi na malaya. Kasama ko siya sa bankong pinaglilingkuran ko.
Anim na buwan ko pa lang siyang kasama sa bankong pinaglilingkuran namin.
Noong una, akala ko ay isa siyang dalaga. At talaga namang mapagkakamalang dalaga dahil batambata ang hitsura niya at tila wala pang muwang sa pag-ibig.
Kaya pala, dalawang buwan pa lang silang kasal ng mister niya na nagpunta agad sa Amerika dahil American citizen.
Ipinagtapat niya ito sa akin nang ligawan ko siya. Sabi niya, under process na ang kanyang petisyon para sumunod sa Amerika.
Hindi tuloy ako makapag-concentrate sa ginagawa ko dahil katabi ko siya sa office.
Ricky
Dear Ricky
Hindi lisensya ang pagmamahal para mahalin ang isang taong kasal na sa iba.
Kung magkaroon ka ng ugnayan sa kanya, ito’y mali sa mata ng Diyos at tao. May pananagutan kayo kapwa sa batas kung magkagayon.
Mahirap tanggapin pero wala kang magagawa kundi limutin siya at magmahal sa ibang malaya pa.
Just stop pursuing her dahil baka pati siya ay ibinubulid mo sa tukso na maging unfaithful sa kanyang kabiyak.
Dr. Love