A pleasant day to you and to all the staff of PSN. Isa ako sa masusugid mong tagasubaybay. Kinapupulutan po kasi ng aral ang bawat payo ninyo sa mga taong may mga problema sa pag-ibig.
Tawagin na lamang po ninyo akong Nice Girl, 18 years-old at nagtatrabaho dito sa Kidapawan City. May crush po ako sa amin. Isa siyang bakasyunista at nakikituloy pansamantala sa pinsan niya.
When we first met, I know I have a feeling for him pero naiinis ako sa kanya dahil hindi niya ako pinapansin. Pero sabi ng friend ko, ganoon daw talaga siya at nahihiya raw siyang kausapin ako.
Kapag umuuwi ako sa amin, nag-aatempt siyang kausapin ako pero umiiwas ako sa kanya dahil ayaw kong mahulog ang loob ko sa kanya. Kapag nagkakasalubong kami sa daan, umiiwas ako pero sa bawat pag-iwas ko’y nasasaktan naman ako dahil mahal ko siya.
Tama po bang iwasan ko siya at itago na lang ang nararamdaman ko para sa kanya?
Galit ako sa pinsan niya dahil ang pinsan niya ay ex-boyfriend ng best friend ko. Sinaktan nang husto ng pinsan niya ang damdamin ng kaibigan ko at sa pagkakataong ito, dapat ko ba siyang isali sa galit ko sa pinsan niya?
Kapag niligawan niya ako, dapat ko ba siyang sagutin? Kapag naging kami, mangyayari rin kaya sa akin ang nangyari sa best friend ko? Compatible ba ang Taurus at Cancer?
Marami pong salamat sa paglalathala ninyo ng sulat ko. Gumagalang,
Nice Girl
Dear Nice Girl,
Ang nadarama mo ay tipikal na damdamin ng teenager na nagkaka-crush to someone of the opposite sex.
Naiinis ka kapag di ka mapansin pero kapag pinapansin ka’y ikaw ang nagpapakipot. Masarap ma-inlove during one’s teen years. I know because I’ve been there.
Kaya lang, ang mga ganyang feelings ay karaniwang hindi nagtatagal at naglalaho rin as you mature.
Sa ngayon, give priority to your studies or work para maging stable ang future mo. Dr. Love