Isa po ako sa magiliw ninyong mambabasa. Bilib ako sa magagandang payo ninyo sa mga sumusulat sa inyo at hindi ko akalain na isang araw ay susulat ako sa inyo.
Ako po si Ms. Taurus, taga-Korea. Ang province ko po ay Cebu. May asawa ako na isang American. Nagsasama kami sa bahay pero wala po kaming anak. Matagal na kaming mag-asawa.
Umuwi ako sa province namin, meron akong na-meet. Tawagin natin siyang Mr. Cancer. Nanligaw siya sa akin kahit alam na niya na may asawa na ako. Pero sinagot ko rin siya at nagmamahalan kami. Pero naguguluhan ako sa situation ko ngayon. Marami syang girlfriends. Isa siyang playboy.
Palagi niyang sinasabi sa akin na mahal niya daw ako. Dr. Love, sana mapayuhan mo ako sa aking situation.Mr. Taurus
Dear Mr. Taurus,
Saan mang anggulo silipin, wala akong makitang matuwid sa ganyang relasyon. Mag-isip-isip ka dahil ang ginagawa mo’y paglabag sa batas ng Diyos at tao.
Hindi ko ipinapayo sa mga taong katulad mo ang problema ang pakikipaghiwalay. Ang pinagsama ng Diyos ay di dapat paghiwalayin ng tao. Pero may free will ang bawat isa sa atin. If it is your choice to commit adultery which I don’t encourage, at least be fair to your American husband. Kausapin mo siya at maghiwalay kayong maayos.Dr. Love