First time ko pong sumulat sa inyo. Isa po ako sa masugid na tagasubaybay ng inyong column. Lagi ko pong inaabangan at binabasa ang magaganda ninyong payo sa iba’t ibang uri ng mga problema.
Sumulat po ako sa inyo dahil sa aking problema. Tungkol po ito sa aking trabaho. Nahihiya po ako sa pagiging katulong. Mababa kasi ang tingin ng mga tao sa akin. Ikinahihiya po nila ako dahil isa akong pangit at mababa ang pinag-aralan. Mas mahalaga po ba sa kanila ang maganda?
Tama po ba ako sa akala kong ito?
Gumagalang,
Arlene
Dear Arlene,
Mali ka ng iyong akala. Marangal na trabaho ang pagiging isang katulong at isipin mo na lamang ang tulong na nagagawa mo sa iyong mga pinaglilingkuran.
Hindi naman lahat ng mga tao ay nanlilibak sa iyo. Mayroon talagang iba riyan na mga walang damdamin pero huwag mo silang pansinin.
Maging proud ka sa iyong hanapbuhay dahil ang mahalaga ay hindi ka gumagawa nang masama at kumikita ka sa marangal na paraan.
Dr. Love