ASEAN Chairship sa Pilipinas BINI, miawit sa “Sama-Sama Tayo

Gilusad na ang bag-ong kanta nga “Sama-Sama Tayo,” nga gihimo sa Department of Tourism (DOT) nga kabahin sa selebrasyon sa ASEAN Chairship sa Pilipinas. Ang grupong BINI maoy nag-awit niini, ug gipakita na ang music video pipila ka adlaw sa wala pa ang 49th ASEAN Summit nga gipahigayon dinhi sa nasud. Gihimo nila Ejay Yatco, Paw Castillo ug Moophs ang maong awit. Lakip sa mga lugar nga gipakita sa music video mao ang Moalboal, Cebu; mga tag-as nga building sa Makati City; Siargao; Tubbataha Reefs Natural Park; Baler, Aurora; El Nido, Palawan; Caramoan, Camarines Sur; Dumaguete, Negros Oriental; ug Bucas Grande Island, Surigao del Norte. Gipakita usab sa music video ang ubang nasod nga sakop sa ASEAN, lakip ang Brunei Darussalam, Cambodia, Indonesia, Laos, Malaysia, Myanmar, Singapore, Thailand, Timor-Leste ug Vietnam.