Sinkhole sa Bogo, gideklarar nga high-risk hazard

CEBU, Philippines — Pormal nga gideklarar sa Mines and Geosciences Bureau - Region VII nga kining nagkaanam og kadako nga sinkhole sa Sitio Indilicio, Barangay Guadalupe sa Bogo City usa na ka high-risk hazard, ug mimando sa pagpatuman og estriktong restriksyon ug pasidaan sa mga residente nga magpabiling alerto tungod kay wala pa gihapon mahiluna ang ilawom niini.

Gikompirmar sa MGB-7 nga sa miaging gabii, mas nilapad pa ang gidak-on sa bangag ug nisamot pa gyud ni og kalawom sukad sa pagkadiskubre ani sa miaging semana.

“Field and radar surveys show that the sinkhole has expanded in both diameter and depth, threatening nearby homes and infrastructure,” matud pa sa advisory sa MGB-7.

Na-detect sa ground-penetrating radar sa MGB-7 nga naay mga lungag-lungag sa ilawom nga posibleng mahugno pa gyud,  gawas ana, naa pay laing duha ka sinkholes silang nakita sa lugar.

“To protect residents while the sinkhole remains active, MGB-7 recommended that Bogo City establish and strictly enforce a no-entry buffer zone of at least 20 meters from the sinkhole’s rim, to be adjusted outward as needed based on continued monitoring,” sumala pa sa pamahayag sa MGB-7.

Nanawagan sab ang EMB-VII nga palapdan pa ang 50 metros ang distansya gikan sa baba niini para sa mga tawong motan-aw, pero nipasidaan sila nga peligro kaayo nga magtapok-tapok ang mga tawo diha kay basin mabug-atan o mouyog ang yuta ug mahunlak sa ubos.

Sumala pa sa MGB kinahanglang kanunayon gyud ang pagbantay sa lugar ug ipahibalo dayun kung naay makitang mga bag-ong pagpangliki o dili kasarangang kausaban sa yuta diha sa maong lugar, o dahunog gikan sa ilawom, ug labing maayong pabakwiton dayun ang mga tawo kung magbunok ang ulan o naay mga linog.

Si EMB-VII Regional Director Al Emil G. Berador niapelar sa publiko nga dili magpakatap og mga dili beripikadong mga report ug kanang mga edited nga mga hulagway o videos nga gipang-post diha sa social media.

Kini human  nabantayan sa MGB-7 nga naay daghang nagpataka og post sa social media nga nakapahadl;ok sa mga tawo.

Tungod ani, gipasidan-an sa MGB-7 ang mga residente ug mga content creators nga ag maong dapit gipaubos sa restricted buffer zone , ang pagsulod ug pagkuha og hulagway o video para lang sa content hugot nga gidili tungod kay talandugon kaayo ang lugar.— Gikan sa The Freeman/IBM BANAT NEWS