5 nuclear plant sites, tinukoy ng DOE
MANILA, Philippines — Kinumpirma ng Department of Energy (DOE) na may mga natukoy na silang mga potensiyal na nuclear power plants sites sa limang lalawigan sa bansa.
Kasunod ito nang isinasagawa nilang paghahanda sa planong pagpasok sa nuclear power generation.
Ayon sa DOE, ang mga natukoy nilang posibleng nuclear plant sites ay matatagpuan sa Bataan, Palawan, Masbate, Pangasinan, at Camarines Norte.
Ang mga naturang lugar ay sumailalim na anila sa inisyal na assessment, na kinumpleto ng International Atomic Energy Agency’s (IAEA) Site and External Events Design Mission upang palakasin ang teknikal na basehan para sa future site selection.
Anang DOE, ang pag-iinspeksiyon ay bahagi ng isinasagawa nilang paghahanda para sa susunod na hakbang ng kanilang nuclear energy program.
- Latest
