Gatchalian: Kawalan ng regular na fuel cost audit, imbestigahan
MANILA, Philippines — Paiimbestigahan ni Senate President Sherwin Gatchalian ang kawalan ng regular na fuel cost audit sa gitna ng tumataas na singil sa generation charges ng kuryente, na nagdudulot nang labis na pasanin sa maraming mga konsyumer.
Sa inihaing resolusyon, sinabi ni Gatchalian na ang tumataas na generation charges at ang kawalan ng regular na fuel cost audit ay nagpapakita lang na kailangan na nang mas malakas na pananagutan at transparency sa sektor ng power generation upang matiyak na ang kuryente ay naisu-supply sa pinakamababang halaga.
Binigyang-diin ni Gatchalian na mula Enero 2025 hanggang Hulyo 2026, ang buwanang singil sa kuryente ng isang residential customer ng Meralco na kumokonsumo ng 200 kilowatt-hours (kWh) ay tumaas sa P2,970.00 sa rate na P14.83 bawat kWh mula sa humigit-kumulang P2,350.00 sa rate na P11.74 bawat kWh.
Dahil dito, napipilitan aniya ang mga konsyumer na magbayad ng karagdagang P620.00 buwan-buwan kahit pareho lang ang dami ng kuryenteng ginagamit nila.
Inilahad din ni Gatchalian na ang halaga ng gasolina at langis, partikular na mula sa mga kontratang supply ng Meralco sa liquefied natural gas (LNG) at coal, ay 86.16% ng kabuuang generation charges ng kumpanya noong Hulyo 2026.
- Latest
