Ex-SC spox, 4 trial lawyers sumali sa prosecution team
MANILA, Philippines — Limang abogado kabilang ang dating tagapagsalita ng Korte Suprema, ang sumama sa House prosecution panel upang magsilbing private prosecutors sa nalalapit na impeachment trial ni Vice President Sara Duterte.
Ipinakilala ni House prosecution team member ML Partylist Rep. Leila de Lima ang 2nd batch ng private prosecutors sa pangunguna ni dating Supreme Court Spokesman Atty. Theodore Te, kasama sina Attys. Reynaldo Robles; Arnold Labay; Mae Divinagracia; at Atty. Benjamin Tolosa, na una nang ipinakilala bilang trial spokesperson na tutulong sa prosecution panel sa paglilitis sa paglilitis kay VP Sara.
Si Te ay nagsilbing Chief Public Information Officer ng Korte Suprema mula 2013 hanggang 2018 na may sapat na kakayahan sa courtroom, human rights at edukasyong legal gayundin sa karanasan sa komunikasyon sa publiko.
Una nang ipinakilala ni Batangas 2nd District Rep. Gerville Luistro, lead prosecutor ang unang batch ng private prosecutors na nasa 10 ang bilang.
Ang mga private prosecutors na ngayon ay umaabot na sa kabuuang 15 ang bilang ay pawang pro bono o libre ang serbisyo sa nasabing paglilitis.
- Latest
