Udalo Bridge sa Occidental Mindoro, bukas na sa maliliit na behikulo – DPWH

MANILA, Philippines — Binuksan na kahapon ng Department of Public Works and Highways (DPWH) sa maliliit na behikulo ang Udalo Bridge na matatagpuan sa Abra de Ilog-Puerto Galera Road sa Abra de Ilog, Occidental Mindoro.

Sa isinagawang inspeksiyon, sinabi ni DPWH Secretary Vince Dizon na accessible na ngayon sa mga motoris­ta ang tulay, matapos na matigil ang konstruksiyon nito sa loob ng tatlo at kalahating taon.

Ayon kay Dizon, sa ngayon ay maliliit na behikulo lamang muna ang papayagan nilang dumaan sa tulay habang hindi pa tapos ang 21-araw na curing process para sa semento nito.

Inaasahan naman aniya nilang lahat ng uri ng behikulo ay maaari nang dumaan sa tulay sa kalagitnaan ng Hulyo.