VP Sara trial, magiging ‘pulutan sa bawat kanto’
MANILA, Philippines — Naniniwala si Deputy Speaker Paolo Ortega V na magiging “pulutan sa bawat kanto sa Pilipinas” ang impeachment trial kay Vice President Sara Duterte kung saan ilalabas ng prosecution ang malalakas na ebidensiya at mga witness na magdidiin sa pangalawang pangulo.
“Kumbaga, mabubuhay po ‘yung usapan ng impeachment trial, magiging pulutan po ’yan sa bawat kanto ng Pilipinas,” ani Ortega.
Sa July 6, 2026 ay sisimulan na ng Impeachment Court ang paglilitis kay Duterte na ayon kay prosecution team spokesperson at Kabataan partylist Rep. Renee Co ay posibleng magtagal ng hanggang tatlong buwan.
Inaasahan na tututukan ng husto ng sambayanang Pilipino ang paglilitis kung saan kasama ang mga ito sa huhusga kung totoo o hindi ang mga ebidensya na ilalatag ng prosekusyon laban sa pangalawang pangulo.
Malalaman din ng mamamayan kung papaano kumilos, hindi lamang ang mga senator-judges kundi ang mga prosecution at defense lawyers kaya maging ang mga ito ay huhusgahan ng mga tao.
- Latest
