Senado gilauman nga mahimong impartial sa impeachment trial

MANILA, Philippines —  Gilauman ni Senadora Risa Hontiveros nga ang Senado molihok isip impartial nga senator-judges sa impeachment trial ni Bise Presidente Sara Duterte, ug mipadayag nga walay desisyon ang angay himoon kung wala pa hingpit nga mapaminaw ang ebidensya ug testimonya gikan sa prosekusyon ug             depensa.

Si Hontiveros miluwat sa maong pamahayag atol sa usa ka press conference isip tubag sa mga kabalaka nga posibleng dili na hingpit nga susihon sa Senado ang mga ebidensya ug basin mopadayon na lang dayon sa desisyon.

Suma pa niya nga nagpadayon ang pre-trial proceedings ug kompleto na ang tanang kinahanglan nga dokumento samtang ang Kamara nangandam sa paglingkod isip impeachment court.

Miingon siya nga naghulat karon ang mga senador sa pormal nga presentasyon sa ebidensya ug testimonya gikan sa duha ka kampo. Iyang gipakita usab nga ang mga senator-judges adunay higayon sa direkta nga pagpangutana sa mga testigo sa panahon sa trial aron mas mapatin-aw ang dagkong isyu.

“I think it is impossible for us to decide at the outset. How would we do that? We cannot do that unless we actually hear all of this, because that is what will guide us in our vote or our decision,” matod ni Hontiveros.

Ang Senado gikatakda nga mopadayon sa impeachment trial sa Bise Presidente sa Hulyo 6, 2026.

Lakip sa mga rason nga gihisgotan sa impeachment complaints batok kang Duterte mao ang mga alegasyon sa giingong sayop nga paggamit ug kadudahang pagdisburse sa confidential funds sa iyang panahon isip Bise Presidente ug kanhi Kalihim sa Department of Education.

Ang mga reklamo naglakip usab sa mga akusasyon sa korapsyon, betrayal of public trust, culpable violation of the Constitution, ug uban pang giingong iregularidad nga may kalabotan sa pagdumala sa pondo sa publiko ug pagpanubag sa katungdanan sa opisina.

Kini nga mga alegasyon nagpabilin nga ubos pa sa pagpresentar ug pag-usisa sa impeachment proceedings ug wala pa masulbad sa impeachment court.