Dingdong ug Marian, magpares sa pelikulang“remember”

CEBU, Philippines — Molugwa og balik sa movie screen  ang royal box-office couple nga sila Dingdong Dantes ug Marian Rivera pinaagi sa bag-ong family drama  movie sa Star Cinema nga “Remember “. Bag-ohay lang  nibiyahe ang magtiayon  paingon sa Quebec aron sugdan ang shooting sa maong  pelikula.

Human sa tulo ka tuig sukad sa ilang katapusang pelikula, mag-uban  na usab  sa trabaho ang magtiayon nga ubos sa direksyon ni Mae Cruz Alviar, nga mao usab ang nagdala  sa ilang blockbuster hit nga Rewind. Sa wala pa sila mobiya sa nasud, gipadayag ni Dingdong ang iyang kahinam sa pagtrabaho pag-usab uban sa susama  nga grupo nga nagmugna sa “Rewind.”

“Sisimulan na namin ang isang espesyal na pelikula. After three years nung huli kaming nagsama at nandun na si Direk Mae, inaantay na kami at uumpisahan na namin ang pelikulang ‘Remember.’ It feels good to work with the same team behind ‘Rewind,’ plus more. Nakakatuwa na nare-reminisce namin lahat ng magagandang nangyari. We’re just so excited to work on this project,” suma pa  ni Dingdong.

Samtang si Marian mitoo  nga kini na ang hustong panahon alang sa subli nila nga panagpares sa usa ka movie project .

“Actually kanina nag-uusap kami on the way here, parang sabi nga namin ilang years na ba? Three years na pala. Siguro ito na yung tamang panahon ulit gawin ito. At the same time, yung kuwento siguradong ma-i-in love sila sa ‘Remember,’” ni Marian pa.

Human sa dakong kalampusan sa “Rewind,” gilauman nga makapukaw pag-usab sa kasingkasing sa mga manan-aw ang “Remember,” nga ipasalida sa mga sinehan sulod karong tuiga.