Cebu City mananom og mga Narra

CEBU, Philippines — Gipangulohan ni Konsehal Alvin Arcilla uban sa mga representante gikan sa nagkadaiyang departamento lakip ang City Agriculture Department (CAD), Cebu City Environment and Natural Resources Office (CCENRO), Department of Engineering and Public Works (DEPW), Young Lawyers Association Inc. (YLAC), Cebu Resilience and Disaster Management Council (CRDMC) ug Department of Public Works and Highways (DPWH) ang ocular inspection niadtong Hunyo 3, 2026 aron mailhan ang mga luna alang sa umaabot nga mass tree-planting initiative sa Dakbayan sa Sugbo.

Ang maong lakang subay sa pagpatuman sa gipalabang nga resolusyon ni Arcilla nga maglusad og usa ka dakong inisyatibo alang sa kalikupan pinaagi sa pagtanom sa mga kahoy nga Narra nga nagtumong sa paghimo og malungtaron nga solusyon sa pagpugong sa baha, pagpalig-on sa environmental protection efforts, ug pagpauswag sa atraksyon sa siyudad alang sa mga turista.

Nalatid sa resolusyon nga ang pagberde sa siyudad kabahin sa mas lapad nga climate adaptation strategy sa kagamhanan ug ang Narra nga mao ang nasudnong kahoy sa Pilipinas ang gipili tungod sa kusgan nga gamot niini nga makatabang sa pagpugong sa pagdahili sa yuta, pagpaayo sa pagsuyop sa tubig, ug pagpakunhod sa kainit sa siyudad. Ipresentar kini ni Arcilla ngadto kang Mayor Nestor Archival, Sr. alang sa kataposang pag-aproba sa proyekto. — BDB BANAT NEWS