Arraignment nina Jinggoy, Bonoan muling ipinagpaliban
MANILA, Philippines — Muling ipinagpaliban ng Sandiganbayan ang arraignment nina Senador Jinggoy Estrada at dating DPWH Secretary Manuel Bonoan kaugnay ng P573-million plunder at graft case sa flood control mess.
Itinakda ni Sandiganbayan Fifth Division Associate Justice Zaldy Trespeses ang arraignment sa June 30 ng alas-8:30 ng umaga bagamat, si Estrada at Bonoan ay pawang may naka-pending na mosyon na humihiling ng pagbasura sa kaso laban sa kanila.
May pending motion pa si Bonoan na humihiling sa graft court na siya ay ma-hospital arrest habang si Estrada ay may inisyal na mosyon para sa fix bail at paglilipat ng kulungan, pero iniatras ito ng mga abogado ng Senador kahapon dahil sa sinasabing may conflict ito sa mosyon ng pagbasura sa plunder at graft cases nito.
Natuloy naman ang pagbasa ng sakdal ng Sandiganbayan sa kasong graft at plunder ng mga dating engineers ng DPWH dahil wala ang mga itong naisampang motion to quash the information.
Ang tatlong opisyal ng DPWH NCR na sina Denryl Cortuna, Manny Bulusan, at Arturo Gonzales Jr. ay nagpasok ng not guilty plea sa kasong plunder at graft.
- Latest
