13-anyos arestado sa P6.8 milyong shabu

COTABATO CITY, Philippines — Karagdagang P6.8 million pa na halaga ng shabu ang nasamsam mula sa isang lalaking menor-de-edad ng mga anti-narcotics agents sa panibagong entrapment operation sa bayan ng Bongao sa Tawi-Tawi nitong Lunes, June 1.

Ang naturang entrapment operation ng mga agents ng Philippine Drug Enforcement Agency-Bangsamoro Autonomous Region in Muslim Mindanao (BARMM) ay kasunod ng kanilang pagkumpiska ng isang kilong shabu, nagkakahalaga ng P6.8 million, mula sa isang tricycle driver, si Jaylani Talib Amin, na kanilang na-entrap sa isang lugar sa Bongao rin nitong Linggo, May 31.

Sa ulat nitong Martes ng local executives sa ­Bongao at ni Tawi-Tawi Gov. Ysmael Sali, na tumulong sa pagkasa ng entrapment operation nitong Lunes, nakadetine na ang 13-anyos na suspect, hindi na nila kinilala dahil menor-de-edad, na nakunan ng PDEA-BARMM agents ng isang kilong shabu sa isang entrapment nitong Lunes sa Barangay Simandaguit sa Bongao, ang kabisera ng Tawi-Tawi.

Sa pahayag nitong Martes ni Edgar Jubay, regional director ng PDEA-BARMM, agad na inaresto ang menor-de-edad na suspect ng kanilang mga agents, sa pa­ngunguna ni Abraham Solon Kalim at mga.