Garcia papangayoon og pasaylo

CEBU, Philippines — Gusto ni Cebu City Mayor Tomas Osmeña nga mopagawas og public apology si Konsehal Raymond Alvin Garcia tungod matud pa sa pag-akusar kaniya nga gipasagdan lang ang bus sa siyudad nga nadugta sa Barangay Busay.

Una niini, gisaway sa konsehal ang mayor diin duna kini gi-post sa iyang official Facebook page labot sa nahitabo sa matud pa sa maong bus.

“Instead of allowing the residents of Barangay Busay to use this bus, the Mayor has chosen to let it rot in a city-owned property-all because the Barangay Captain is not politically affiliated with him. What a disservice to the people,” subay na sa post ni Garcia.

Si Osmeña miingon kon dili mangayo og pasaylo si Garcia iya kining ikiha og libel.

“He said I got the bus so that the people cannot use it from Barangay Busay. I really just want to expose people for really what he is. You don’t even bother to check, he makes announcement already that I’m depriving the people of Busay from using the bus, it was gotten by Rama not me then its beyond repair but I will grant his wish tell him to pick it up bi, they can use it,” matud ni Osmeña.

Si Garcia sa iyang bahin miingon sa dili pa siya mo-isyu og public apology gusto una niini mahibaw-an kon tinuod kini kay ang maong impormasyon nakuha niya kang Busay Barangay Councilor Kevin Sanchez.

Gusto mahibaw-an ni Garcia kon kinsay sakto o dili maong mohimo kining imbestigasyon labot niini ug iyang susihon kon tinuod ang gisulti sa pangulo sa General Services Office Ronald Malacora nga ang maong bus unserviceable na, nabangga ba ug kun apil kini sa gipang-uli alang sa inventory nga wala na gibalik.

“If sayop ko, then I will issue an apology but this was also be together with, I want confirmation from the barangay captain and barangay councilors kay sila man ang nag-point out ani nga isyuha di man ni ako, wa man na naggikan nako,” matod ni Garcia.

Si Malacora miklaro nga ang maong bus nadala na sa compound nga iya sa siyudad tungod kay naguba kini sa aksidente ug tungod kay di na madala og ayo naapil na kini sa igbabaligya. (BANAT NEWS)