Libreng kolehiyo papahimuslan
CEBU, Philippines — Giawhag ni Senador Sonny Angara ang mga estudyante ug out-of-school youth sa Sugbo nga pahimuslan ang libreng edukasyon sa kolehiyo sa gobiyerno sugod karong tuiga.
Si Angara, usa sa mga principal authors sa Republic Act 10931 o ang Universal Access to Quality Tertiary Education Act, nagkanayon nga wala nay rason ang mga gikan sa lower-income nga pamilya nga dili makakuha og college diploma kay ang subsidy nga gikan sa gobiyerno dili lang libre ang tuition apan lakip na kini sa uban pang galastuhan sa pag-eskwela ubos sa gimando sa balaud.
“Kung dati ang pangarap ng bawat pamilyang Pilipino ay magkaroon ng kahit isang graduate na siyang tutulong mag-ahon sa pamilya sa kahirapan. Ngayon, lahat ng ating mga anak ay may pagkakataon nang maging college graduate,” matud ni Angara.
Si Angara nibisita sa Sugbo sulod sa duha ka adlaw niadtong Abril 20 ug 21 alang sa nagkadaiyang speaking engagements.
Dugang ni Angara nga ang libreng tuition nga programa sa gobiyerno aduna kini initial funding nga P40 bilyones.
Ang RA 10931 nakalakip niini ang libreng tuition, miscellaneous ug uban pang school fees sa mga estudyante nga na-enroll sa 112 ka state universities and colleges (SUCs), 78 ka local universities ug colleges (LUCs) ug tanang technical-vocational education and training (TVET) programs nga narehistro ubos sa Technical Education and Skills Development Authority.
Matud ni Angara nga sa Cebu ang mga tunghaan nga apil sa maong programa mao ang Cebu Normal University, Cebu Technological University, Carcar City College ug Sibonga Community College.
Matud pa ni Angara nga ang subsidy sa gobiyerno maghatag og pinansyal nga suporta ngadto sa mga kabus nga mga estudyante nga adto motungha sa mga pribadong kolehiyo ug unibersidad.
Matud niya nga daghang estudyante nga moundang sa kolehiyo tungod kay wala’y ikabayad labi na sa tuition.
“Making college tuition free would eliminate this reason for not graduating,” matud ni Angara. (BANAT NEWS)
- Latest
