Julio napriso
CEBU, Philippines – Nasikop sa kapulisan ang beteranong aktor nga si Julio Diaz ug ang driver niini kagahapon didto sa kaugalingong panimalay sa Meycauayan, Bulacan tungod sa pagamit og ilegal nga drugas.
Gilimod sa 59 anyos nga aktor nga dili lamang siya user, kundili dealer usab.
“Hindi, ang pagtutulak ho. Siguro paggamit lang po," hirit pa sa aktor.
Ang aktor dugay ra nga gidudahan nga mogamit og ilegal nga drugas human nga nalakip sa watchlist sukad gilusad sa administrasyon ni Presidente Rodrigo Duterte ang Oplan Tokhang.
Si Diaz nga adunay tinuod nga pangalan nga Mariano de Leon Regaliza miangkon nga nabuhat niya kining maong ilegal nga buhat tungod kay adunay nanintal kaniya.
“Sabihin na po natin naging part lang ito ng buhay ko way back years ago. 'Yun lang bahala na, bahala na ang Diyos. Hindi ko rin maintindihan. May nagdadatingan na demonyo, natukso. Tumigil na ako talaga, it so happened na ganito. Natukso, tukso talaga", suma pa niya.
Nagbasol na sab ang aktor sa iyang dili maayong buhat mao nga nangayo siya og pasaylo sa iyang mga fans ilabi na sa nagsunod kaniya sa seryeng Asintado.
- Latest
