Comelec: “Responsible citizens” among kinahanglan
CEBU, Philippines – Giawhag sa Commission on Elections (COMELEC)-7 nga moreklamo sa ilang buhatan kun adunay masigpatang mga politiko nga nangampanya bisag wala pa magsugod ang campaign period alang sa piniliay sa Barangay ug Sangguniang Kabataan.
“Kung manglansar man gani sila because they wanted to be a law maker sa barangay, maantigo sad sila motuman sa balaod. Kana ilang gibuhat, pamintaha na,” sigun pa sa regional director sa COMELEC-7 nga si Atty. Veronico Petalcorin.
Karong Mayo 14 na ang piniliay, samtang ang campaign period magsugod karon pang Mayo 4 hangtod na sa Mayo 12. Iyang gitataw nga aduna silay gihimong guidelines alang sa pagpangampanya diin usa na niini ang pagpapilit og mga posters ug ang pagpanghatag og mga flyers niini.
Giingong bisan pa man og ang nakabutang lang sa maong mga poster mao ang mga pwesto nga ilang daganan, matawag gihapon kining pangampanya.
Matud pa niya nga gikinahanglan gyud nga adtuon sa reklamante ang ilang buhatan aron nga pormal nga mopasaka og kaso batok sa maong mga kandidato.
“Di mi ganahan og concerned citizen ganahan mi og responsible citizen nga moatubang gyud sa korte. Kapoy sa amoa nga mag-investigate nga walay complainants,” si Petalcorin miingon.
Sa laing bahin, kagahapon nagpahigayon og City Joint AFP-PNP Peace and Security Coordinating Center (CJSCC) meetings didto sa Cebu City Police alang sa pagpangandam sa seguridad sa umaabot nga piniliay.
Nasabutan didto ang pagpakatap sa pwersa sa gobiyerno karong eleksyon. (/IBM)(BANAT NEWS)
- Latest
